GURU SUSRUSA
Om Swastyastu
Para
diaksa, miwah para uleman sami sane wangiang titiang, taler para semeton sami
sane tresnasihin titiang.
Angayu
bagia aturang titiang majeng ring Ida Sang Hyang Widhi Wasa,duaning sangkaning
asung kertha wara nugrahan Ida mawinan iraga kacunduk sakadi mangkin. Ring
galahe sane becik puniki titiang pacang matur-atur samatra ngeninin indik “guru susrusa” utawi subhakti ring guru.
Ida
dane miwah semeton sinamian sane kusumayang titiang. Iraga dados sisia patut
pisa nglaksanayang Guru Susrusa. Napike Guru Susrusa punika ? Guru Susrusa
punika mateges subhakti ring Catur Guru. Napike Catur Guru punika ? Catur Guru
mateges petang soroh guru sane patut subhaktinin, luire : Guru Swadhyaya, Guru
Rupaka, Guru Pengajian, miwah Guru Wisesa.
Sane
kasinanggeh Guru Swadhyaya inggih punika Ida Sang Hyang Widhi Wasa sane satata
nuntun iraga saking jagat niskala.
Sane
kasinanggeh Guru Rupaka inggih punika rerama sane ngembasang iraga miwah
ngupapira iraga sarahina-sarahina.
Sane
kasinanggeh Guru Pengajian inggih punika guru sane ngajahin ilmu pengetahuan.
Sane
kasinanggeh Guru Wisesa inggih punika pemerentah sane nuntun lan nreptiang
kasukertan jagate.
Ida
dane miwah pamilet sinamian sane subhatini titiang. Mangda samian para Catur
Guru inucap marasa bagia, ngiring sareng sami ngawit mangkin mangda jemet
melajah, nenten dados Alpaka Guru. Iraga
patut rajin ngaturang bhakti ring Ida Sang Hyang Widhi Wasamiwah
Bhatara-Bhatari sasuhunan sami. Iraga patut subhakti ring rerama, mangda I
rerama bagia, iraga patut rajin nulungin magarapan. Iraga patut subhakti ring
gurune ring sekolah, rajin mlajah lan satinut ring sapituduh guru. Yening
subhakti ring Guru Wisesa iraga patut satinut ring awig-awig ( undang-undang )
sane kamanggehang ring nagara Indonesia.
Inggih
wantah asapunika titiang prasida matur-atur ring galahe sane becik puniki,
manawita wenten iwang atur titiange, titiang nglungsur geng rena sinampura.
Untatin titiang antuk nguncarang parama santi : “Om Santih, Santih, Santih, Om”. :@
0 Response to "Pidarta Bahasa Bali "Guru Susrusa""
Post a Comment